titolo

————————————————————————————————

Almost 28 years ago nung una akong makaranas magkilik at mag-alaga ng beybi — ang kaunaunahang pamangkin naming magkakapatid.  Pero hindi ako yang nasa kanang litrato; sya ang panganay na pamangkin ko, this time kilik naman ang kanilang kaunaunahang pamangkin!  Nauna kasing nag-asawa ang brother nyang sumunod sa kanya.  Kuha yan nitong April 2009 lang.

Hmm… iba’t-ibang role o title (titulo), as in antas o grade-level sa pag-aaral:

1. Primero, isinilang ka ng ina mo, natural “anak” ka ng tatay at nanay mo,

— apo ka ng lolo’t lola mo;

— pamangkin ng mga tiyuhin at tiyahin mo; at

— pinsan ng mga anak ng tiyuhin at tiyahin mo.

2. Kung hindi ikaw ang panganay na anak, syempre “kapatid” ka na agad ng kuya o ate mo. Kung hindi ka na nasundan, ikaw ang bunso.

Kung panganay ka, magiging ‘kapatid’ ka lang kung may susunod na anak (o nag-adopt) ang mga magulang mo — kuya ka o ate, depende kung ano ka — lalaki o babae.  [Oist, huwag ‘pagbabaliktarin’]

May ranks pa yang mga mas nakatatandang kapatid ha? Kuya, diko, sangko at ate, ditse, sanse for first, second and third elder brothers and sisters, respectively. [Ewan ko na yung tawag sa pang-apat hehe]

3. Pag nasa hustong gulang na kayong magkakapatid at nagsipag-asawa na (understood na “asawa” ka na ng mister o misis mo),

— manugang ka ng byenan mo;

— bayaw o hipag ng mga kapatid ng asawa mo, o

ng asa-asawa ng mga kapatid mo; at

— bilas ng asa-asawa ng mga bayaw o hipag mo sa asawa mo.

Yun mismong asa-asawa ng bayaw at hipag mo na manugang ng tatay at

nanay mo ay hindi mo bilas ang tawag dun — kapatid mo na nga e, di ba?

[Awts, ang vertigo ko... nakakalito!]

4. Sa malaon at madali, tito o tita ka ng mga magiging pamangkin mo, o di kaya “tatay” o “nanay” ng magiging (mga) anak mo.

5. Pag lumaki, nag-asawa, at nagkaanak na ang mga anak (o pamangkin) mo, ay ano pa?  ‘Di “Lolo” o “Lola” ka nang matanda ka!

Pangalawang anak ako at medyo late na rin kaming mag-asawa ni misis, kaya eto ang flowchart ng aking pinagdaanang mga ‘grado’ (syempre hanggang ngayon dala-dala ko pa rin yung mga naunang role-title ko):

Anak ► Kapatid ► Tito ► Asawa ► Tatay ► Lolo!

“O… bakit nabura yun penultimate* grade-level mo?”

Ewan ko… baka accelerated lang ako! Isa na akong “Tito-Lo” (Titong Lolo).

————————————————————————————————

* Then, I thought, sa hubby tuldok na ako…

Ubra nga palang mag-shortcut sa “Lolo”?

Sa lahat ng Padre de pamilya:

║ MALIGAYANG ARAW NG MGA AMA! ║

More fathers:

◙ Father’s Day 2008 posts