Dayuga

Bebang, the nurse

( isang ‘cut-and-paste’ na dyoks )

Registered nurse si Bebang sa L.A. Kasama niya ang kanyang ina, na nagpagamot doon. Namatay ang ina niya. Dahil sa kamahalan ng pamasahe pabalik sa Pilipinas, nagtipid si Bebang. Pinauwi na lang niya nang mag-isa ang kabaong ng kanyang ina.

Pagdating ng kabaong sa Pilipinas, napansin ng mga kapamilya niya na nakadikit ang mukha ng ina sa salamin ng ataul. Sabi tuloy ng isang anak, “Ay, naku! Tingnan myo ‘yan… hindi sila marunong mag-ayos ng bangkay sa Amerika! Nakudrado tuloy ang mukha ng inay.”

Upang ayusin ang itsura ng bangkay, binuksan ang kabaong. Aba! May sulat na nakastaple sa dibdib ng bangkay. Kinuha nila ito at binasa. Ito ang nilalaman ng liham:

Mahal kong tatay at mga kapatid:

Pasensya na kayo at hindi ko nasamahan ang nanay sa pag-uwi riyan sa Pilipinas dahil napakamahal ng pamasahe. Ang gastos ko pa lang sa kanya ay mahigit $10,000 na. Ayoko nang isipin pa ang eksaktong halaga. Anyway, ipinadala ko kasama ni nanay ang mga sumusunod:

Nasa likod ni nanay ang dalawampu’t apat na karnenorte at isang dosenang spam. Ang Adidas na suot ni nanay ay para kay tatay. Ang limang pares ng de-goma ay nasa loob ng dalawang asul na Jansport na backpack na inuunan ni nanay. Tig-iisa kayo.

Ang iba’t-ibang klase ng tsokolate at candy ay nasa puwetan ni nanay — para sa mga bata ito. Bahala na kayong magparte-parte. Sana hindi natunaw. Ang Pokemon stuffed toy na yapos-yapos ni nanay ay para sa bunso ni ate. Gift ko sa first birthday ng bata. Ang itim na Esprit bag ay para kay Nene.

Ate, nasa loob ng bag ang pictures ni inay, japanese version ng Pokemon trading cards at stickers. Suot ni nanay ang tatlong Ralph Lauren, apat na Gap at dalawang Old Navy t-shirts. Isa para kay kuya, at tig-iisa sa mga pamangkin ko. Maisusuot ninyo ang mga iyan sa pyesta.

Suot din ni inay ang anim na panty hose at tatlong warmer para sa mga dalaga kong pamangkin. Isuot nyo sa party. May isang dosenang NBA caps sa may paanan ni nanay. Para sa inyo, itay, kuya, dikong, tiyo. Bigyan nyo na rin ng tig-isa yung mga pamangkin ko at yong isa ay kay pareng Tulume.

Ang tigdadalawang pares ng Nike wristband at knee caps na suot-suot din ni nanay ay para sa mga anak mo, diko, na nagbabasketball. Tigdadalawang ream ng Marlboro lights at Winston red ang nasa pagitan ng mga hita ni nanay.

Apat na jar ng Skippy Peanut Butter, dalawang dishwashing liquid, isang Kiwi glass cleaner at tig-aanim na Colgate at Aqua Fresh ang nakasiksik sa kilikili ni nanay. Hati-hati kayo, huwag mag-aagawan.

Isang dosenang Wonder bra (Victoria’s Secret ata ang tatak) gustong-gusto ni Tiya Iskang society natin, suot-suot din ni nanay. Alam kong inaasam-asam nyo ‘yan, tiya. Anim na lipstick lang ang kasya sa bra. Ang Rolex na bilin-bilin mo tatay, suot-suot ni nanay. Nakatakip sa Nike na wristband. Kunin mo agad, itay.

May isinisik akong zip-loc sa bunganga ni Inay na naglalaman ng $759 dollars. Hindi na ako nakatakbo sa ATM. Puede na siguro sa libing iyon.

Yung ‘tong’ na makokolekta, i-time deposit mo, kuya, para pag namatay si tatay may pambili na ng ataul. Ang hikaw, singsing at kuwintas (na may nakakabit pang anim na nail cutters) na gustong-gusto mo, ditse, ay suot-suot din ni nanay. Kunin mo na rin agad, ditse. Ibigay mo ang isang nailcutter kay Jay bakla sa kanto.

Tanggalin niyo ang bulak sa ilong ng inay, may isiniksik akong tatlong diyamante sa bawat butas. Ibangon niyo lang si inay at tiyak na malalaglag na ang mga iyon. Konting alog lang siguro ng ulo.

Marami pa sana akong ipaglalalagay kaya lang, baka mag-excess e si nanay pa ang maiwan. Basta parte-parte kayo, tatay, kuya, ate, dikong, ditse. Para sa inyo lahat ito. Bahala na kayo kay nanay. Pamimisahan ko na lang siya rito.

Balitaan ninyo na lang ako pagkatapos ng libing. Alam ni ate ang email ko. Paki-double check ang lista kung walang nawala sa mga ipinadala ko.

Nagmamahal,

Bebang

Yan ang bayani! Um, keso-keso!

Sige, sister… baka pedeng balatuhan mo na rin ako?

Saken ka na lang magtrabaho, ineng —

Gawin kitang personal caregiver.

Gulp! Sibat na ko!

————————————————————————————————

dibkatenpeys-seryus

↓ ↓

Pages: 1 2 3 4 5

The URI to TrackBack this entry is: https://homebodyhubby.wordpress.com/2010/07/03/dayuga/trackback/

RSS feed for comments on this post.

2 CommentsLeave a comment

  1. ————————
    Maus na Daga-ibang bansa
    Palagay ako sa Blunggarolyo nyo!
    ————————
    Rat na Daga-ibang bansa
    Ako lang pala ang dagang-RAT dine!?
    ————————————————
    Doray da wayon-hamster
    @ desperu: In-add na kita!
    @ ratatuwe: As a mater of fiction, may dalwa pa. ↑

    Bekos Pilipinos ar hospitabol en bekos Fwance is Fwance,
    yu tu ar welkam!

  2. ————————
    Dagang-kostang SWAT
    Mag-a-apply po ng tarbaho!
    ————————————————
    Doray da wayon-hamster
    May kraysis-manedsmen trening ba kayu?


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: